又來 組立式 DX Figure

剛剛星期六先掉左部分冇用的玩具盒, 估唔到又收唔住誘惑, 星期日(20-9-2009)再入多2盒 組立式figure!!

今次係~Dragonball 龍珠 Z 組立式 DX Max Muscle Mania vol.1. 其實對上個星期日(13-9-2009)已經响超人王度見到, 不過價錢始終未到"心水", 心想還是等一下, 應該會再底D!!

結果星期日响皆旺二樓見到"靚價$180", 當然即時'科水'啦!! 博羅蓮和超西 3孫悟空, 在劇場版的比拚就是這兩位角色的魅力. 只在劇場版出場的博羅蓮更是人氣角色!!!

盒面超勁有氣勢, 完全是力的表現.而且重量十足!

未有時間影相, 不過應該只會開孫悟空來影, 因為vol.2又是'他'再加另一撒亞人'立巴'!

___________________________________________

再來補貼回另一盒組立式figure!!同樣是13號早已見到, 但心大心細買唔買??諗左兩日(15-9-2009)最後都是決定去買. 這figure是筋肉人中的角色叫電腦超人~戰爭人(warsman), 是由奸變忠的正義超人.

充滿電子感的盒面!

我有完美身形, 零脂肪~~因為我係機械人!

上色有少許出界, 但尚可接受!!!

戰爭人(warsman), 是第一隻筋肉人的DX組立式, 會購買"他"是因小時睇過套卡通, 見盒面影得幾"型仔"又唔太貴, 而且可以剩買這款彩色版不須要搭另一"全黑破面版", 就是如此情況下又入了一隻組立式figure! 希望之後會出埋其他筋肉超人!!