4月2日
假期的第一天,
從中午開始將09年間的V-Jump雜誌剪存至傍晚時分.
晚上到山林道太湖食飯, 由大佬請客. 雖然d魚翅鮑魚龍蝦好好味, 但被批評為"井底之蛙"之時便自覺不是味兒!!!
~~~~~~~~~~~~~~~~~~~~~~~~~~~~~~~~~~~~~~~~~
4月3日
假期的第二天,
中午睇完電視出發過香港, 落車後隨意地走進灣仔謝斐道一間菲律賓人開的快餐店邊聽音樂邊吃個午餐 (Mang Ambos) ,好有假期的感覺,
食得辣的blog友可以一試.行完灣仔銅鑼灣, 晚上到太古城教友的家作客. 食完飯邊睇電視邊傾偈. 要搭最後一班地鐵才可回家.
~~~~~~~~~~~~~~~~~~~~~~~~~~~~~~~~~~~~~~~~~
4月4日
假期的第三天,
早上沒有返崇拜, 但下午都要返教會一陣. 午餐去"女人街"食日式牛肉飯!!
因自己小組有位姊妹受浸, 所以回到教會. 這位姊妹是兩年前由北京移居到香港, 還是55.5%基督徒的我, 何時才會決志受浸呢??
~~~~~~~~~~~~~~~~~~~~~~~~~~~~~~~~~~~~~~~~~
4月5日
假期的第四天,
前日買的《綠燈俠》The Green Lantern 動畫版 , 今天終於可以在家慢慢欣賞了. 套片雖然由 BLUE-RAY 轉去DVD, 但畫面質素依然好正. 特別是漫畫顯示不到的"綠燈能量的光" , 希望2011年的真人電影版效果會更加震撼!!!
~~~~~~~~~~~~~~~~~~~~~~~~~~~~~~~~~~~~~~~~~
拍攝於2010年4月6日, 5:32:02pm---大霧中的太陽
4月6日
假期的最後一天, 亦是最多節目的一天.
早上從藍田趕去旺角睇 "歲月神偷"早場! 一同睇戲的還有教會的"婦女組"成員.
完場後又去"女人街"食午餐, 不過今次食越南菜!!
之後又返回藍田, 因為下一個節目是"行山"並且由我負責帶隊.
我們3:30PM從藍田公園出發, 目的地原定是鯉魚門, 但可能同行的比較慢及'霧氣'太大(風景若隱若現, 上到山頂時連'維港灣畔'都看不到), 所以決定不行油塘的一段, 改由高俊苑落山往油塘地鐵站.
回家??NO!!! 去地鐵站是為集合另一批教友開始下一個節目--"鯉魚門食海鮮"
沒有留言:
張貼留言