有壓力

第95篇BLOG文(草稿復活文)

有壓力

「您有壓力 我有壓力」
這句早幾年出自巴士阿叔的金句,
相信無香港人會未聽過.
最近這一年間個人亦開始感受到"有壓力"了!!

而我既"壓力"主要來源是
1. 將來的住屋問題
2. 家中太多收藏品

首先第一項~~~將來的住屋問題
香港地寸金尺土,
樓價超高.
雖然現在的我住公共屋村,
但阿媽話過將來如果佢死左,
我要搬走,
會冇屋住!!(唔知真定假)

我雖然有「儲蓄」既習慣,
但依現時樓價,
首期都未足夠!!
那唯一出路就只有租屋住!!

到第二項~~~家中太多收藏品
基本上家中最多既收藏品有2類,
一是玩具,
另一類是書本.
這些都非常佔空間的,
有部份甚至要放在公司內!!!

而近年開始玩LEGO及大比例模型,
原本工作的枱面、椅子(我的椅是由兩棟模型書組成)及附近地下,
這些位置都放滿玩具收藏.
除睡覺的範圍外,
整間房可以說是已經"爆倉"了!!

唯一解決方法是-----------"掉棄所有收藏品"
梗係"無~可~能"啦!!

解壓

雖然"住屋問題"的壓力都未殺到埋身,
但人總要為將來作預備
正所謂未雨綢繆嘛!!
自己單身寡佬一名,
假如最後真要租屋住!
咪住"板間房"!!
希望"震鷹"政府能解決樓價問題,
到我要租屋住時無晒"板間房"!!(發夢)

至於D收藏品,
【物質玩具如浮雲   終有一日會離身】
上面的金句是2010年5月作的(用千多元買入全套JoJo一番獎的時候),
那時已打算少買玩具和書,
因此才會有用~~"五年"時間砌晒手頭上既模型同手辦~~這計劃!!
【樣樣都買，比個皇宮都唔夠擺】
數量多唯有減少,
一直都有放售舊玩具舊書!!
最終目標是保留「最愛」及「最有價值」到人生最後一刻!!!

最後,
如果您覺得自己有壓力,
請放大上面張圖看看,
是讓您鬆弛一下的運動介紹!!!

開心D!!!!